Muqdisho(SONNA):-Wasiirka Gaadiidka iyo Duulista Hawadda XFS mudane Duran Ahmed Farax ayaa maanta masuuliyiinta Hey’adda Valar la qaatay kulan la xariira Qalab Casri ah oo ay ku wareejinayaan Garoonka Adan Cabdulle kaas oo ka qayb qaadanaya Sugitaanka Amniga garoonka.
Kulankan ayaa waxaa wasiirka kala qayb galay Maareeyaha Hay’adda Duulista Rayidka ah, Mareeyee ku-xigeenka Garoonka Aden Cabdulle iyo Saraakiil ka socotay laamaha amniga.
Wasiir Duran ayaa sheegay in qalabkan casriga ahi uu amniga Garoonka wax badan ka tari doono, isagoona uga mahad celiyay Hey’adda valar taageeradooda, Wasiirka ayaa dhinaca kale ku dhawaaqay in Wasaaradda Gaadiidka iyo Duulista Hawadda XFS ay ka go’an tahay kor u qaadista amaanka garoomada dalka.
