Booliska Heyti ayaa sheegay inay xireen dhaqtar ay rumeysan yihiin inuu yahay eedeysane muhiim ah oo la tilmaamay in uu ka dambeeyay abaabulka dilkii todobaadkii hore loo geystay Madaxweyne Jovenel Moรฏse.
Boliiska ayaa sheegeen in Christian Emmanuel Sanon, oo ah 63 jir u dhashay Haiti, uu ku soo galay dalka diyaarad Jet ah horraantii Juun, isagoo leh ujeeddooyin siyaasadeed oo gaar ah.
Dakhtarka la xiray ayaa la sheegay in uu ahaa nin dhaliila siyaasadda madaxda dowladda Heyti,waxaana uu deganaa oo uu xarun ku lahaa magaalada Florida ee dalka Mareykanka.
Madaxweynihii Heyti oo ahaa 53 jir ayaa lagu dilay gurigiisa 7dii July, waxaana dilkiisa ka dambeeyay 28 qof oo calooshood u shaqeystayaal ajnabi ah, sida ay ku warameen ciidamada Boliiska.
Xaaska madaxweynhihii hore ee Heyti ayaa ku dhaawacantay falkaasi lagu khaarajiyay Jovenel Moรฏse,waxaana daaweyn loola cararay dalka Mareykanka.
