Muqdisho(SONNA):-Wasiirka Wasaaradda Warfaafinta XFS Cusmaan Abukar Dubbe ayaa ka tacsiyeey geeridii naxdinta lahayd ee ku timid Alle ha u naxariistee Wariye Axmed Xuseen Caddow.
Marxuumka ayaa maalmihii lasoo dhaafay ku xanuunsanayey mid ka mid ah isbitaalada magaalada muqdisho ayadoo oo ay xaaladiisa caafimaad kasii dareysay.
Alle ha u naxariistee Wariye Axmed Xuseen Caddow waxa uu ka howl galayey Warbaahinta dalsan ee Magaalada Muqdisho , marxuumka ayaa sidoo kale horay uga soo shaqeeyay warbaahino kaleย duwan oo dalka ka howlgalo.
Ugu danbeyn Wasiirka Warfaafinta ayaa Tacsi u diray Ehelka marxuumka iyo dhamaan bahda Saaxafada isaga oo marxuumka alle uga baryey in uu naxariistii janno ka waraabiyo
