Muqdisho (SONNA)-Guddoomiyaha degmada Gaalkacyo ee Galmudug Cabdiraxmaan Sheekh Xasan Jimcaale oo ay wehliyaan guddoomiye ku xigeenka degmada iyo xubno ka tirsan golaha deegaanka degmada Gaalkacyo ayaa maanta si rasmi ah u dhagax dhigay inter-loogyo laga hirgelinayo waddooyinka suuqa weyn ee magaalada, taas oo qeyb ka ah qorshaha hagaajinta bilicda Gaalkacyo.
Qaar ka mida ganacsatada suuqa oo goob joog ka ahaa dhagax dhiga inter-looga laga hirgalinayo waddooyinka suuqa ayaa uga mahadceliyey Dowladda hoose ee degmada Gaalkacyo dadaallada muuqda ee maamulku wax uga qabanayo bilicda iyo hagaajinta waddooyinka.
Duqa degmada Gaalkacyo Cabdiraxmaan Sheekh Xasan Jimcaale ayaa dhankiisa uga mahadceliyey ganacsatada garab istaagooda maamulka degmada, isagoo dhanka kalana sheegay in maamulka degmada uu ku shaqeyn doono rabitaanka shacabka.
