Muqdisho (SONNA)-Madaxwaynaha Maraykanka ee xilka ka sii degaya Donald Trump ayaa hore u sheegay inuusan ka soo qayb geli doonin xafladdda caleema saarka Madaxwaynaha la doortay ee Joe Biden.
Goโaanka Trump uu qaatay laguma arag Maraykanka 152 sano, Madaxwaynayaashii xilkooda dhamaadayna waxay kasoo qayb geli jireen caleema saarka Madaxwaynaha cusub.
Hadaba kumee ahaayeen Madaxwaynayaashii Maraykanka ee aan soo xaadirin caleema saarka kuwa bedelayay?
John Adams: waa Madaxweynihii ugu horreeyay ee qaata goโaan ah inuusan tegin xafladda caleemo saarkii Madaxwaynihii ku xigay ee Thomas Jefferson.
In kasta oo Adams iyo Jefferson ahaayeen saaxiibo isku wanaagsan, haddana siyaasadda ayaa kala fogeysay kana dhigtay rag cadaw isku ah.
Adams ayaa ka tegay Washington habeenkii ka horeeyay maalinta caleema saarka si uusan uga qayb gelin caleemo saarkii saaxiibkiis hore oo dhacayay Maarso 4, 1801.
John Quincy Adams: waxaa la yaab leh in Madaxwaynihii labaad ee diida inuu ka qayb galo xafladda caleema saarka Madaxwaynanimo uu noqdo John Quincy Adams oo raacay waddadii aabihiis, isagoo diiday inuu ka qayb galo xafladda caleemo saarka Andrew Jackson.
Martin Van Buren: Bishii Maarso 4, 1841 Martin Van Buren ma uusan soo xaadirin xafladii caleemo saarkii William Henry Harrison ilaa iyo hadana lama oga sababta keentay inuu qaato goโaankaas.
Martin Van Buren ayaa sidoo kale soo noqday Madaxwayne ku xigeenka iyo xoghayaha arrimaha dibadda ee Maraykanka.
Andrew Johnson: Andrew Johnson oo caan ku ahaa midab takoorka isna ma imaanin caleema saarkiiย Ulysses S. Grant.
Andrew Johnson waxa uu ahaa Madaxwaynihii 17-aad ee dalka Marayaknka, wuxuuna xilka hayay sanadihii 1865 ilaa 1869.
Johnson waxaa lagu tilmaamaa mid ka mid ah Madaxwaynayaashii ugu xumaa ee soo maray dalka Maraykanaka, waxaana lagu eedeyay inuusan ilaalin sharciyada dalka u yaalay.
Johnson iyo xildhibaanada baarlamaanka waxaa dhax maray dagaalo siyaasadeed oo badan kadib markii ay isku dayeen inay xilka ka xayuubiyaan.
Madaxwaynaha hadda xilka kasii degaya Trump ee looga guuleystay doorashadii ugu dambeysay ee dalka Maraykanka ka dhacday ayaa goโaansaday inuu maro waddaddii ay mareen dhowr kaas Madaxwayne ee aan imaanin caleema saarka madaxtinimo.
