Muqdisho (SONNA)-Danjiraha Dawladda Soomaaliya u fadhiya dalka Ethiopia Eng. Cabdixakiin Xaaji Cabdullaahi Cumar Camey ayaa ka tacsiyadeeyey geeridii ku timid Alle ha u naxariistee Wasiirkii hore ee Amniga Puntland marxuum Axmed Cabdullaahi Yuusuf โDawladโ oo xalay ku geeriyooday Garoowe, wuxuuna rabbi uga baryey naxariis iyo inuu janadiisa firdowsa ka waraabiyo.
Safiir Camey wuxuu tilmaamay in xiligii uu ahaa Madaxweyne ku xigeenka Puntland ahaa ay marxuumka isla soo shaqeeyeen, maadaama uu kamid ahaa Golihiisii Wasiirada ee maamul goboleedka Puntland.
โSi wanaagsan ayaan u aqaanay marxuum Cabdullaahi Dawlad, shaqo wadaag iyo saaxiibo dhow ayaanu ahayn, shaqadii uu hayey nin ku filan ayuu ahaa, sidoo kale wuxuu ahaa masuul jecel in guud ahaan shacabka Soomaaliyeed ay ku noolaadaan nabadgelyo, degenaansho iyo barwaaqo, mana jeclayn inuu qaato goโaano wax yeelaya wadajirka Soomaaliyaโ ayuu yiri Safiir Camey.
Danjire Eng Camey wuxuu marxuumka ilaahay u waydiiyey inuu qabriga u qaboojiyo una waasiciyo, samir iyo iimaanna uu ka siiyo eheladii, qaraabadii iyo asxaabtii uu ka tagey, hoygiisana uu ka yeelo jannatul firdowsa.
