Muqdisho (SONNA)-Wasiirka Caafimaadka, Xildhibaanno tirsan Baarlamaanka, xubno ka socday xafiisyada Madaxweynah iyo Ra’iisul wasaaraha, Dhakhaatiir, aqoonyahanno iyo marti sharaf kale ayaa ka qeyb galay munaasbad ay xilalka kula kala wareegayeyn Wasiir ku-xigeenkii hore iyo Wasiir ku-xigeenka cusub ee Wasaaradda Caafimaadka Soomaaliya.
Wasiirkii ku xigeenka hore ee Wasaaradda caafimaadka Soomaaliya Maxamed Saciid Cabdullahi ayaa sheegay in dowladnimo xoogan lagu gaari karo iskaashi iyo in wadajir lagu wadasheeyo.
Wasiirkii ku xigeenka cusub ee Wasaaradda caafimaadka Soomaaliya Axmed Xuseen Macalin (Gurey) ayaa sheegay in Wasaaraddu ay ka mid tahay laf dhabarka howlaha dowlanimo, isla markaana uu ka shaqeynayo sidii loo balaarin lahaa adeegyada caafimaadka dalka.
Wasiirka Caafimaadka iyo Daryeelka Bulshada Soomaaliya Fowsiya Abiikar Nuur ayaa sheegtay in la soo qabtay shaqo adag saddexdii sano ee lasoo dhaafay, waxaana ay uga mahadcelisay Wasiir ku-xigeenka qeybti cusleyd uu ka soo qaatay.
