Muqdisho:(SONNA)-Hawlgal ay saakay Ciidamada Xoogga dalka ka sameeyeen Gobolka Shabeellaha hoose gaar ahaan inta u dhaxaysa Degmada Awdhiigle iyo deegaanka KM 50. ayaa waxa ay ku burburiyeen Miinooyin ay kooxaha argixisada Al-Shabaab ku aaseen dhul ballaran oo horay cadawga looga saaray.
Howl-galkaan Lagu bur buriyay Muniiyinka ayaa waxaa sameeyay ciidamo ka tirsan ururka 66-aad ee Guutada 14 octobar ee Ciidanka Xoogga Dalka somaliyeed ee jooga deegaankaas.
Taliyaha Ururka 66-aad ee Guutada 14-octobar ee Ciidanka Xoogga dalka Soomaaliyeed Gashaanle Axmed Maslax Xuseen oo la hadlay Warbaahinrta qaranka ayaa faah faahiyay howl-galkaan lagu fashiliyay kooxaha Argixisada.
Ciidanka Xooga Dalka ayaa howl-gallo lagu baacsanayo Maleeshiyaadka Al-Shabaab ka waday guud ahaan dalka waxaana Gobolka shabeellah hoose howl-gallo ay ka sameeyeen ay kala wareegeen deegaanno iyo degmooyin ka tirsan Gobolkaasi iyagoo qasaaro xoogan gaarsiiyay kooxda nabad-diidka ah ee Al-Shabaab.
