Muqdisho(SONNA) Soomaaliland ayaa ka hadashey talaabadii uu qaaday madaxweynaha Jamhuuriyadda Federaalka Soomaaliya mudane Maxamed Cabdullaahi Farmaajo,taasi oo ahayd raali gelintii uu dhawaan bixyay.
Mudane Muuse Biixi Cabdi Madaxweynaha Soomaaliland oo ka hadlay go’aankii uu qaatay madaxweyne Farmaajo ayaa ku sheegay in madaxweyne Farmaajo uu yahay madaxweynihii ugu horeeyay ee Soomaaliyeed oo Soomaaliland raali geliya.
Hadalkan ayuu jeediyay xili uu ka hor hadlayay golayaasha kaladuwan ee Soomaaliland,wuxuuna yiri madaxweyne Muuse Biixi Cabdi.
“13kii bishan waxaa dhacay arrin aan lafileynin oo ah Madaxweynaha Soomaaliya Mudane Maxamed Cabdullaahi Farmaajo uu si waafi ah uga hadlay dhibaatadii gaartay dadka Soomaaliland,waana madaxweynihii ugu horeeyey ee Soomaaliyeed oo raali gelin buuxda ka bixiyay,waa talaabo loo qaaday dhanka nabadda, aad ayaan u soo dhaweynayaa ayuu yiri madaxweyne Muuse Biixi Cabdi”.
Hadalka madaxweynaah Soomaaliland ayaa ka dambeeyay kadib markii dhawaan uu madaxweynaha Jamhuuriyadda Federaalka Soomaaliya Mudane Maxamed Cabdulaahi Farmaajo uu Soomaaliland shacabkeed uu raali gelin siiyay,xili uu soo xirayay shirweynihii arrimaha Garsoorka Dalka.
