Dh/mareeb-(SONNA)-Waxaa magaalada Dhuusamareeb ee xarunta dowlad goboleedka Galmudug ka socoto qaban qaabada lagu soo dhaweynayo Wafdiga Ra’iisul Wasaaraha Soomaaliya Mudane Xasan Cali Khayre oo ku wajahan magaalada Dhuusamareeb.
Dadwayne aad u fara badan oo ka kala yimid xaafadaha magaalada Dhuusamareeb ayaa iminka soo buux dhaafiyay gudaha garoonka diyaaradaha ee magaalada, kuwaasi oo sita sawirada Ra’iisul Wasaaraha dalka.
Magaalada Dhuusamareeb waxaa ka socda dhamaystirka soo xulidda Baarlamaanka dowlad goboleedka Galmudug, iyadoo dhawaan lagu wado inay halkaasi ka qabsoonto doorashada Madaxweynaha Galmudug.
