kentuky.(SONNA)…Xaflad ay soo abaabuleen Jaaliyadda Konfur Galbeed ee dalka Mareykanka,isla markaana lagu maamuusaayey sanadguurada koowaad ee ka soo wareegatay magacaabidda Madaxweynaha K/Galbeed ayaa lagu qabtay magaalada louisville ee gobolka kentucky oo ka tirsan dalka Mareykanka.
Xafladdaan oo sidoo kale lagu maamuusaayey xuska sanadguurada koowaad ee furida xaafiiska Jaaliyadda Konfur Galbeed ee Mareykanka,waxaa ka qeybgalay,Masuuliyiinta Jaaliyadda,Ardada,haweenka culuma-udiin iyo siyaasiyiin.
Gudoomiyaha cusub ee Jaaliyadda Konfurgalbeed Mareykanka Idiris Sharif Ali ayaa uga mahadceliyay dhamaan dhinacyada kala duwan ee ka soo qeybgalay xafladan isaga oo ka codsaday in ay sameeyaan Maalgashi iyo dal ku noqosho si ay qeyb uga noqdaan horumarka dalka.
Dhamaan dadkii ka hadlay xafladdan ayaa u hanbalyeeyay madaxweynaha iyaga oo ka codsaday in uu noqdo mid u cadaalad sameeya shacabka Konfurgalbeed isla markaana hormuud u noqdo dhiirogalinta qurba joogta si ay dalkooda ugu laabtaan una sameeyaan maalgashi kalsooni ku dhisan.
