Riyadh-(SONNA)-Wasiirka Gaadiidka iyo Duulista Hawada Soomaaliya , Xil. Fardowso Cismaan Cigaal oo booqasho rasmi ah ku joogta dalka Boqortooyadda Sacuudiga kaddib martiqaad ay ka heshay dhiggeeda Sacuudiga, Mudane Saleh Al-Jasser ayaa kulan ay maanta yeesheen ka wada-hadlay sidii labada dal ay iskaashi uga yeelan lahaayeen, dhinacyada Gaadiidka dhulka iyo hawada, isdhaafsiga khibrada iyo tababbarada.
โWaxaan maalmahan booqasho shaqo ku joogaa dalka Boqortooyadda Sacuudiga, kaddib martiqaad aan la helnay dhiggeyga, Mudane Saleh Al-Jasser oo wada-hadal aan ku yeelanay Riyadh, diiradda aan ku saarnay sidii labada dal ay iskaashi uga yeelan lahaayeen, dhinacyada Gaadiidka dhulka iyo hawada, isdhaafsiga khibrada iyo tababbarada.โ ayey tiri wasiir Fardowso Cismaan Cigaal.
Soomaaliya ayaa horumar muuqda ka samaysay dhinacyada Gaadiidka iyo Duulista Hawada taaso u horseeday waddamada caalamka inay ballaariyaan iskaashiga ay dhinacyada kala yeelanayaan Soomaaliya.
