Geneva-(SONNA)-Wasiirka Wasaaradda Caafimaadka iyo Daryeelka Bulshada XFS Dr. Cali Xaaji Aadam, ayaa ka qayb galay shir heer sare ah oo ay isugu yimaadeen dalalka Geeska Afrika. Shirka oo muhiimad weyn lahaa, ayaa diiradda lagu saaray iskaashi goboleedka dabar-goynta cudurka dabaysha (Polio eradication).
Intii uu socday shirka, waxaa si qoto dheer looga hadlay:
1. Iskaashiga joogtada ah ee dalalka Geeska Afrika si loo xaqiijiyo cidhibtirka buuxa ee cudurka dabaysha.
2. Doorka muhiimka ah ee Soomaaliya, oo horey horumar uga samaysay la dagaallanka cudurkan, iyo dadaallada socda ee lagu doonayo in lagu dhammeeyo gabi ahaanba.
Wasiirka ayaa si gaar ah uga warbixiyay dadaallada dowladda Soomaaliya ee ku aaddan dabar-goynta cudurka, isagoo xusay guulihii hore loo gaaray iyo rajada laga qabo in la gaaro yoolka ciribtirka cudurkan ee mustaqbalka dhow.
Shirka waxaa sidoo kale qayb ka ahaa deeq-bixiyeyaasha caafimaadka iyo hayโadaha caalamiga ah ee nagala shaqeeya arrimaha caafimaadka, kuwaasoo muujiyay taageeradooda joogtada ah.
