Midship,(SONNA):- Wafdi oo uu hogaaminayo Agaasimaha Waaxda Iibka iyo Saadka Caafimaadka, Maxamed Cabdulqaadir Xirsi, ayaa booqasho aqoon-korarsi ah ku tegay dalka Tanzania intii u dhaxaysey 3โ7 Febraayo 2025.
Hayโadda Daawada Tanzania (Medical Stores Department- MSD) oo martigelinta bixisay ayaa la wadaagtay wafdiga khibrado qoto dheer oo ku saabsan dhinacyada muhiimka ah ee maareynta Saadka Caafimaadka, oo ay ka mid yihiin: qiyaasidda baahida dawooyinka, habka soo iibinta dawooyinka, kaydinta, qaybinta, hubinta tayada, soosaarka dawooyinka, nidaamyada dijitaalka ee lagu maareeyo xogta Saadka Caafimaadka, caymiska caafimaadka iyo qaybo kale oo ka mid maaranyta Saadka Caafimaadka.
Intii lagu guda jiray booqashada, Hayโadda Daawada Tanzania waxay wafdiga siisay fahan qoto dheer oo ku saabsan maaranyta Saadka Caafimaadka iyada oo loo marayo bandhigyo, dood-wadaag, iyo booqashooyin lagu tagey xarumo muhiim ah oo Caafimaad, oo ay ka mid yihiin kaydka daawada ee Hayโadda Daawada Tanzania, warshadda soosaarka dawooyinka, isbitaallo heerar kala duwan iyo Wasaaradda Caafimaadka Tanzania, kuwaas oo ku yaalla Dar es Salaam iyo Dodoma.
Booqashada ayaa kusoo dhammaatay kulan ay martigelisay Hayโadda Daawada Tanzania, halkaas oo lagu falanqeeyay tallaabooyinka xiga ee lagu dhaqan gelinayo Heshiiska Is-afgaradka (MoU). Wafdigu wuxuu uga mahadceliyey dalka martigeliyey ee Tanzania soo-dhaweynta diirran iyo aqoonta qiimaha leh ee la wadaagay.
Wasaaradda Caafimaadka, XFS waxay mar kale xaqiijinaysaa sida ay uga goโan tahay xoojinta iskaashiga labada Wasaaradood, iyada oo diiradda la saarayo horumarinta adeegyada caafimaadka khaaska ah, horumarinta maaranyta Saadka Caafimaadka, isdhaafsiga aqoonta, horumarinta dhijitaalka caafimaadka, kobcinta xirfadda shaqaalaha caafimaadka, iyo xoojinta dhaqaale-raadinta iyo hal-abuurka. Iskaashigan istiraatiijiga ah wuxuu gacan ka geysan doonaa horumarinta nidaamyada caafimaadka ee adkeysi, wax-ku-oolnimo, iyo waara u leh labada dal.
Wasaaraddu waxay mahadcelin gaar ah u diraysaa Wasaaradda Caafimaadka iyo Hayโadda Daawada Tanzania taageeradooda mugga leh iyo fududeynta howlaha inta lagu guda jiray booqashada, dadaalkooda iyo wadashaqeyntooda waxay muhiim u ahaayeen suurtagalinta wada-hadallo wax-ku-ool ah, is-weydaarsiga aqoonta, xoojinta iskaashiga, iyo horumarinta waarta ee nidaamyada caafimaadka.
