Geneva-(SONNA)-Wasiirka Wasaaradda Caafimaadka iyo Daryeelka Bulshada XFS, Dr. Cali Xaaji Aadam, ayaa magaalada Geneva kaga qaybgalay munaasabad looga hadlayay dardargelinta ciribtirka cudurrada faafa ee la dayacay iyada oo loo marayo iskaashi xuduud-dhaaf ah oo dhinac socotay Shirweynaha 78aad ee Golaha Caafimaadka Adduunka.
Munaasabaddan oo diiradda lagu saarayay xoojinta dadaallada waddamada ee la dagaallanka cudurrada faafa ee dayacay (NTDs), ayaa sidoo kale lagu adkeeyey muhiimadda iskaashiga xuduudaha ka gudba ee gobolka.
Intii lagu guda jiray, Wasiirka Caafimaadka ayaa si rasmi ah ula saxiixday dhiggiisa dalalka geeska afrika Heshiis Is-afgarad (MoU) oo lagu xoojinayo dadaallada wadajirka ah ee lagu ciribtirayo cudurka Visceral Leishmaniasis (VL) โ oo ka mid ah cudurrada halista ah ee si weyn u saameeya bulshooyinka nugul.
Soomaaliya waxay mudnaan gaar ah siineysaa ka hortagga iyo ciribtirka cudurrada faafa ee aan helin daryeel ku filan, iyadoo ka goโan tahay hirgelinta adeeg caafimaad oo loo siman yahay, si bulshada Soomaaliyeed u hesho nolol caafimaad qabta oo waarta.
