๐ ๐๐พ๐ฑ๐ถ๐๐ต๐ผ,( SONNA):- Wasiirka Maaliyadda Xukuumadda Federaalka Soomaaliya Mudane Biixi Imaan Cige oo ay wahliyaan qaar ka mid ah Agaasime waaxeedyada Wasaaradda Maaliyadda ayaa shir miro-dhal ah waxa uu la qaatay xubno sare oo ka socday Bangiga Horumarinta Islaamka (IsDB) oo socdaal rasmi ah ku yimid magaalada Muqdisho.
Ujeedka Wafdigan iyo shirarka ay la qaadanayaan masuuliyiin ka tirsan Dowladda Federaalka Soomaaliya ayaa salka ku haya diyaarinta Hannaanka Hagidda Qoshaha Iskaashiga Dalka (Country Engagement Framework), qorshahaas oo hagaya dhammaan mashaariicda horumarineed ee Bangigu uu ku taageerayo Soomaaliya maadaama deyn cafintii kadib uu si rasmi ah u soo laabtay xiriirkha Bangiga iyo Dowladda Soomaaliya.
Wasiirka Maaliyadda XFS Mudane Biixi Imaan Cige ayaa intii uu socday shirka waxa uu qeexay qorshaha Dowaldda Soomaaliya ay ka leedahay horumarinta dhaqaalaha dalka, waxa uu tilmaamay in ay mudnaan gaar ah siinayaan helidda mashaariicda maalgalineed ee lagu kobcinayo kaabayaasha dhaqaalaha iyo ilaha wax soosaarka dalka si loo gaaro isku filnaan dhaqaale.
Qorshaha Hagaha Dalka ee wadashaqeynta Bangiga Horumarinta Islaamka (IsDB) ayaa la soo gaba gabeyn doonaa 17 bishan April halkaas oo la filayo in ay ka soo baxdo natiijo ku salaysan xiriirka wadashaqeynta iyo arrimaha mudnaanta leh ee Bangigu uu kala shaqeyn doono Dowladda Soomaaliya.
