Muqdisho(SONNA):- shirka Isbahaysiga Baarlamaanka Bariga Afrika ee Amniga Cuntada iyo Nafaqada oo maalmihii lasoo dhaafay ka socday Magaalada Adis-Ababa ee caasimadda Dalka Itoobiya ayaa lasoo gaba gabeeyey, waxaana shirka Soomaaliya ku metelayey Xildhibaano ka tirsan Golaha Shacabka ee Baarlamaanka Jamhuuriyadda Federaalka Soomaaliya iyo Agaasimaha waaxda xogheynta guud ee Golaha Shacabka Maxamed Xuseen Cabdullaahi (Maarso).
Shirka oo afar maalmood socday, waxaa looga hadlay Xoojinta Hogaaminta Baarlamaanka ee Amniga Cuntada, Nafaqada iyo Beddelka Nidaamyada Cuntada & Beeraha, iyadoo Wakiilada Soomaaliya shirkaasi ku metelayey ay ka qeybgalayaasha shirka la wadaageen muhiimada Isbaheysigan uu Dalkeena u leeyahay iyo sidoo kale kaalinta firfircoon ee uu ku leeyahay.
