Mudisho(SONNA):-Shirweynaha Culimadda soomaaliyeed oo ka furmay maanta magaaladda Muqdisho ayaa qodobadda looga hadlayo waxa ka mid ah sidii dagaal adag loola geli lahaa kooxda khawaariijta arxanka daran,wasiir kuxigeenka wasaaradda awqaafta iyo arrimaha diinta oo la hadlay warbaahinta qaranka ayaa sheegay in ay madasha ku casuumeen in ka badan 300 oo culimo ah kuwaas oo isaga kala yimid gobolada dalka iyo qurbaha,wasiirka ayaa sidoo kale sheegay in la dhisi doono heya’adda culimadda soomaaliyeed isagoo xusay in heya’addan qiimo wey ugu fadhido shacabka soomaaliyeed.
Culimmada ka qayb gelaysa shirweynahan oo siyaabo gaar gaar ah ula hadlay warbaahinta qaranka ayaa sheegay in shirkan muhiimad weyn u leeyahay dalka iyo diinta sidoo kalena meel adag la iska taagi doono sidii dalka looga xorayn lahaa kooxda khawaariijta, Sheekh Cabdiqani Qorane oo kamid ah culimada ka qeyb galayso Shirka culimada Soomaaliyeed ee maanta ka furmay Muqdisho ayaa ka hadalay ahmiyadda shirka uu u leeyahay dalka.
Sheekha ayaa sheegay in shirkan uu yahay mid uu Madaxaweynaha JFS horay ugu baaqay in loo qabto culimada Soomaaliyeed si looga hadlo dagaalka ka dhanka ah khawaarijta iyo wax ay shareecada islaamku ka qabto xukunka khawaarijta.
Qorane ayaa sidoo kale waxa tilmaamay in ahmiyada weyn shirkan u leeyahay dalka iyo dadka Soomaaliyeed,kuna soo aday xili loo baahnaa madaama dalku uu ku jiro dagaalka ka dhan khawaarijta muhiimna ay tahay in bayaan wada jir ah culimada soomaaliyeed kasoo saraan xukunka khawaarijta iyo sidii dowlada iyo culimada laysugu xiri lahaa.
Sheekha Cabiqani ayaa sheegay in qoddobada culimada ay ka hadli doonaan ay kamid tahay diinta,dowladnimada iyo xiriirka ka dhaxeeyo,iyo in la dhiso Gole sare oo ay culimada ku mideeysan yihiin ahna dastuuri,si loo helo dal soomaaliyeed oo dowladdooda iyo culimadooda ay mideeysan yihiin wana shir ay u dhan yihiin guud ahaan culimada soomaaliyeed.
Sheekha Xasan jaamici oo isna kamid ah culimada soomaaliyeed ee ka qeyb galaya shirka culimada ee maanta ka furmaya muqdisho ayaa dul istaagay inay muhiim tahay in culimada soomaliyeed cadeeyaan dhaqanka guracan ee ay ku dhaqmayaan kooxda khawaarijtu in diinta islaamku aysan waxa sal ah ku lahayn culimadana bayaan wada jir ah ay ka soo saran.
” Mareykan ayaa uga imid ka qeyb galka Shirka Culimada, ujeedkuna waa inaan hormuud u noqono la dagaallanka Fikirka Khawaarijta” sidaa waxa yiri Sheekha Xasan jaamici.
Sidoo kale sheekha ayaa tilmaamay in khawaarijtu saddex qoddob lagu cuuryaamin karo qeybna ka ah degaalka lagula jiro khawaarijta in fikira tagfiirka lala degaalamo in qaab Ciidan iyo dhanka dhaqaalaha loola degaalamo intaas hadeeysan culimada hormuud u noqoto ma shaqeeyn doonto shaqeyneyn.
Sheekha Xaan jaamic ayaa ka dhawaajiyay in maalmaha saddexda cisho ee shirku socdo intiisa badan diirada lagu saari doono sidoo kalena la daraaseeyo asbaabaha keenay fikirkaan xag jirka ah ee qalddan, in laga doodo xalka ugu sahlan ee arrintaa laga gaari karo uu noqon kara culimada in ay ka doodo kadibna ay soo saraan bayaan sal u noqon karo howlgalka ay dowladdu ku jirto,lana waa fajiyo Shareecada islaamka.
Sheekha aya mar la weydiidayay su”aal ahayd in culimada qaarkood ay ka gaabiyeen ka hadlida dhibatooyinka ee khawaarijtu geysato ayaa sheegay in culimada dibadda ay ka hadleeyn balsa ay jiraan culimo arrintaa ka gaabisay islamarkaan ay rajeeynayaan in Culimadaasi ay ku soo biiran shirka socda.
Sheekh Cabdulqaadir Soomoow oo ka mid ah Culimadda waaweyn ee dalka ayaa isna yiri“Waxa aan maanta isugu imaanay waa inaan gudano waajib diini ah oo ah difaaca diinteenna suubban ee ay kusoo duuleen khawaarijta ka been sheegeysa,Sidoo kale Waa in aan ogaanaa in ciidamada Qaranka ee Jihaadka ku shahiiday waa dhinteen aan la dhihi karin ee waa Shuhado”.
