Addis ababa(SONNA):-Wasiiru Dowlaha Wasaaradda Gaashaandhigga ee Soomaaliya, Mudane Cumar Cali Cabdi, ayaa ka qeybgalay Kulanka 17-aad ee Wasiirrada Difaaca ee Guddiga Farsamada qaabilsan Difaaca, Amniga iyo Badbaadada, kaas oo ka dhacay Xarunta Midowga Afrika ee Addis Ababa.
Kulankan ayaa diiradda lagu saaray xoojinta iskaashiga militari ee dalalka qaaradda, horumarinta awoodaha difaaca, iyo la-dagaalanka argagixisada, iyadoo sidoo kale lagu falanqeeyay qorshayaasha nabad-ilaalinta iyo taageeridda amniga guud ee gobolka.
Wasiiru Dowlaha ayaa sidoo kale kulamo duceedyo la yeeshay wasiirrada difaaca iyo taliyaasha ciidamada dalalka kale ee xubnaha ka ah Midowga Afrika, isaga oo kala hadlay sidii loo dardargelin lahaa iskaashiga difaaca ee dalalka Geeska Afrika iyo guud ahaan qaaradda.
Wasiiru Dowlaha ayaa carrabka ku adkeeyay sida ay Soomaaliya uga goโan tahay ka qeybqaadashada firfircoon ee dadaallada Midowga Afrika ee lagu xoojinyo nabadda iyo iskaashiga militari.
