Muqdisho(SONNA):-Wasiirka Warfaafinta, Dhaqanka iyo Dalxiiska ee Jamhuuriyadda Federaalka Soomaaliya, Mudane Daa’uud Aweys Jaamac ayaa xafiiskiisa ku qaabilay Madaxa Hay’adda Qaramada Midoobay ee IOM u fadhiya Soomaaliya Manuel M. Pereira.
Wasiirka iyo Wakiilka IOM ayaa kulankooda kaga wadahadley sidii la isaga kaashan lahaa barnaamijyada wacyigelinta ee ka Hortagga tahriibka, wacyigelinta dhinacyada dib u heshiisiinta iyo fariimaha muhiimka ah ee bulshadu u baahan tahay.
Wasiirka Warfaafinta Mudane Daa’uud Aweys ayaa ku bogaadiyay Hay’adda IOM taageerada iyo wadashaqeynta wanaagsan ee ay la leedahay Dowladda Federaalka ee Soomaaliya.
Wakiilka IOM ayaa dhankiisa xusay inay doonayaan inay sii labanlaabaan hawlaha ay ka wadaan Soomaaliya, isagoo intaa raaciyay in Soomaaliya ay sameyneyso hurumar dhinacyo badan oo abuuraya rajo cusub.
Kulankaasi waxaa goobjoog ka ahaa mas’uuliyiin ka kala tirsan Wasaaradda Warfaafinta, Dhaqanka iyo Dalxiiska iyo Hay’adda IOM.
