Muqdisho(SONNA):-Wasiirka Wasaaradda Isgaarsiinta iyo Tiknoolajiyadda, Mudane Maxamed Soomaali, ayaa maanta furay kulan lagu soo gabagabeynayey tababar ay bixinayeen madasha Somali Network Operators Group ( SomNOG), kuwaas oo muddo saddex maalmood ah lagu siinayey dhallinyarada Soomaaliyeed xirfado muhiim u ah horumarinta tiknoolajiyada dalka.
Kulanka ayaa waxaa kaqeyb galay Masuuliyiin ka tirsan Wasaaradda Isgaarsiinta iyo Tiknoolajiyadda, Wakiillo ka socda jaamacadaha dalka, Shirkadaha isgaarsiinta, hayโadaha tiknoolajiyada, Macallimiin, tababarayaal iyo dhallinyaro ka faaโiideystay tababarrada.
Wasiir Maxamed Soomaali ayaa si gaar ah u bogaadiyey dhallinyarada Soomaaliyeed ee dadaalka badan gelinaya barashada iyo hormarinta xirfadaha ICT-ga iyo sida ay ugu heelan yihiin in ay kaalin muuqata ka qaataan dhismaha Soomaaliya dijitaalka ah, isagoo xusay in SomNOG ay noqotay goob dhaliso aqoonyahanno si dhab ah ugu adeegay horumarinta tiknoolajiyada dalka.
Wasiirka ayaa tilmaamay in Wasaaraddu ay mudnaanta koowaad siinayso dhismaha aqoonta, kobcinta xirfadda dhallinyarada, iyo taageerida hindisayaasha kor u qaadaya maamulka iyo ammaanka digital-ka dalka.
Wasiir Maxamed Soomaali ayaa sidoo kale sheegay in Wasaaradda Isgaarsiinta iyo Tiknoolajiyadda ay sii xoojinayso taageerada howlaha kor u qaadaya aqoonta dhallinyarada sida Taageeridda ururrada isxilqaanka, Abuurista fursado tababar oo dheeraad ah, Kasbashada iskaashiga jaamacadaha iyo shirkadaha gaarka loo leeyahay
Iyo Hormarinta siyaasadaha iyo sharciyada dhismaha dhaqaalaha digital-ka
Ugu dambeyn, Wasiirku wuxuu aad u’adkeeyey inay muhiim tahay sii wadida iskaashi lagu dhisayo jiil aqoon u leh adeegsiga, maamulka iyo hal-abuurka tiknoolajiyada, si loo gaaro Soomaaliya dijitaal ah oo ammaan lana jaanqaada dunida casriga ah.
