Muqdisho(SONNA):-Wasiirka Gaashaandhigga XFS, Mudane Axmed Macallin Fiqi, ayaa maanta kulan la yeeshay Safiirka Dowladda Mareykanka ee Soomaaliya, Danjire Richard H. Riley.
Kulankan ayaa diiradda lagu saaray xoojinta iskaashiga hawlgallada ciidan ee wadajirka ah ee Soomaaliya iyo Mareykanka, iyo adkeynta wadashaqeynta labada dhinac ee dhanka difaaca iyo amniga ee ku wajahan la dagaalanka argagixisada.
Wasiirka Gaashaandhigga ayaa bogaadiyay doorka muuqda ee Dowladda Mareykanka ay ka qaadato taageerada dagaalka lagula jiro kooxaha argagixisada Khawaarijta Daacish iyo Al-Shabaab, isagoo xusay in iskaashigaas uu muhiim u yahay xasilloonida iyo amniga dalka iyo kan gobolka.
