Wasiirka Wasaaradda Gaadiidka iyo Duulista Hawada Dowladda Federaalka Soomaaliya Mudane Maxamed Cabdullaahi Salaad oo daah-furay diiwaan-gelinta Diyaaradaha Iyo Ruqsad-siinta Xirfadleyaasha ayaa ka warbixiyey dadaalka mugga weyn ee dowladda Soomaaliya ay ku bixisay dib u soo celinta astaamaha Qaranimo ee aasaas u ah horumarka dalka iyo dadka.
Munaasabadda daah-furka oo ka dhacday magaalada Muqdisho,waxaa ka qeybgalay qaar ka mid ah Safiirada dowladaha saaxiibka la ah Soomaaliya, Xildhibaano katirsan Golaha Shacabka, milkiileyaasha Soomaaliyeed ee leh Shirkadaha diyaaradaha Iyo hawlwadeenada Wasaaradda Gaadiidka Iyo Duulista Hawada Iyo Hey’adda duulista Rayidka Soomaaliyeed
Wasiirka oo ka hadlay kulankaasi ayaa ku boggaadiyay dadaalka Hey’adda duulista Rayidka Soomaaliyeed Iyo howlwadeenada Wasaaradda Gaadiidka iyo Duulista Hawada, shaqada adag ee ay ka qabteen nidaamka duulimaadka dalka.isagoo ugu dambeyn wasiirka halkaasi ku guddoonsiiyay qeynahaasi oggolaansho shaqo iyo rukhsado ka marag kacaya aqoontooda xagga duullimaayada ah ah iyo Duuliyaal soomaaliyeed.
