Muqdisho (SONNA): Wasiirka Wasaaradda Gaadiidka iyo Duulista Hawada Xukuumadda Federaalka Soomaaliya, Xildhibaan Mohamed Farah Nuux, ayaa maanta kulan heer sara ah la yeeshay wafti uu hogaaminayey Mudane Ala’a Nemer, Country Director for the United (UNOPS) in Somalia.
Kulan-kaasi ayaa waxaa diiradda lagu saaray sidii loo hormarin lahaa iskaashiga ku aaddan horumarinta kabayaasha dhaqaalaha, gaar ahaan Gaadiidka, garoomada diyaaradaha, iyo duulista hawada.
Wasiir Nuux ayaa uga mahadceliyey waftiga shaqooyinka ay ka wadaan dalka iyo taageerada baahsan ee ay u hayaan Shacabka Somaliyeed oo ay ku jirto horumarinta adeegyada Gaadiidka.
Wasiirka ayaa carrabka ku adkeeyey in iskaashigu yahay furaha horumar ka waara, kaas oo gacan ka geysan doona sare u qaadista adeegyada gaadiidka Soomaaliyeed.
