Muqdisho(SONNA):-Wasiirka Dakedaha iyo Gaadiidka Badda XFS, Cabdulqaadir Maxamed Nuur, ayaa maanta xilka u kala wareejiyay Maareeyihii hore ee Dakedda Muqdisho iyo Maareeyaha Cusub.
Maareeyaha cusub ee Dekedda Muqdisho Maxamed Cali Nuur (Ameeriko) ayaa si rasmi ah xilka ula wareegay maamulka dekedda, munaasabad ay ka soo qayb-galeen wasiiro, agaasimayaal iyo masuuliyiin kale.
Ameeriko oo hadal ka jeediyay munaasabadda ayaa sheegay inuu ku shaqayn doono tilmaamaha Madaxweynaha iyo qorshaha Xukuumadda Danqaran, isagoo ballan qaaday casriyeyn iyo dhismo cusub oo dekedda lagu xoojinayo, si ay u noqoto il dhaqaale oo muhiim ah, maadaama ay tahay dekedda labaad ee ugu weyn Afrika. Wuxuu sidoo kale ammaanay dadaallada maareeyihii hore ee horumarinta dekedda siddeedii sano ee la soo dhaafay.
Maxamed Cali Ameeriko waa siyaasi iyo diblomaasi khibrad dheer u leh adeegga dawladda, isagoo soo noqday Safiirka Soomaaliya ee Kenya (2007โ2015), Agaasimaha Guud ee Xafiiska Raโiisul Wasaaraha (2005โ2006), iyo kusimaha safaaradda Soomaaliya ee Nairobi (2006โ2007). Sidoo kale wuxuu ka shaqeeyay Bangiga Dhexe ee Soomaaliya iyo shirkado caalami ah oo uu ku jiray โCocaColaโ.
Ameeriko waxa uu sidoo kale aas-aasiye u yahay hayโadda Yasmiin Foundation oo maamusha 11 dugsi oo lacag laโaan ah, kuwaas oo waxbarasho siiya carruur agoon ah, naafada iyo qoysaska danyarta ah.
Xilkan cusub ayuu ku wajahayaa khibraddiisa siyaasadeed, maamul iyo diblomaasiyadeed, si loo xoojiyo kaalinta dekeddu ku leedahay ganacsiga iyo kobaca dhaqaalaha qaranka.
