๐ ๐๐พ๐ฑ๐ถ๐๐ต๐ผ(SONNA):- Wasaaradda Waxbarashada, Hiddaha iyo Tacliinta Sare waxa ay si weyn u bogaadinaysaa ansaxinta Golaha Wasiirada ee Dawladda Federaalka Soomaaliya ansaxiyay Xubnaha Guddiga Tacliinta Sare ee Qaranka. Guddigan oo xeer ahaan ku dhisan Sharciga Tacliinta Sare ๐๐ฟ.๐ฏ๐ฌ ee Qaranka ee soo baxay Disember 2024kii, waxa ay hawshiisu tahay in uu hoggaamiyo, maamulo, islamarkaana hago Hayโadaha Tacliinta Sare ee dalka, si waafaqsan Sharciga Tacliinta Sare.
Geeddisocodka xulista xubnaha Guddiga ayaa soo maray heerar kala duwan. Masโuuliyiinta loo xilsaaray xulista Guddiga oo ka ambaqaadaya shuruudaha iyo halbeegyada sharciyeed ee loo dajiyay xubinnimada Guddiga, ayaa si hufnaan, caddaalad iyo madaxbannaani leh u eegay dhammaan codsiyadii la soo diray, iyada oo si gaar ah ay diiradda u saarayeen aqoonta, kartida iyo waaya-aragnimada musharixiintii soo dalbaday kamidnoqoshada xubnaha Guddiga.
Tani waa guul weyn oo u soo hoyatay hayโadaha tacliinta sare ee dalka, Guddigan ayaa kaalin muhiim ah ka qaadan doona habsami-u-maamulidda, hagidda iyo horumarinta tacliinta sare ee dalka. Unkidda Guddigan waxa uu sare u qaadayaa martabadda tacliinta sare ee dalka; waxaana uu islamar-ahaantaa aqoonsi caalami ah siinayaa hayโadaha tacliinta sare.
Ugu dambeeyntii, Wasaaradda Waxbarashada, Hiddaha iyo Tacliinta Sare waxa ay u hambalyeyneysaa xubnaha Guddiga Tacliinta Sare ee Qaranka, waxaana ay u rajeyneysaa in ay ku guuleeystaan masโuuliyadda culus ee loo igmaday.
