Muqdisho(SONNA):-1- Madaxweyne Xasan Sheekh Maxamuud iyo Madaxweynaha Azerbaijan Mudane Ilham Aliyev ayaa magaalada Baku ku kala saxiixday heshiis iskaashi oo labada dal ay dhinacyo badan iska kaashan doonaan.
2- Madaxweyne Xasan Sheekh Maxamuud ayaa booqday xarumo ku yaalla magaalada Baku ee Azerbaijan, oo iskugu jira xarumaha tamarta, difaaca, iyo hormarinta adeegyada dawliga ah.
3- Madaxweyne Xasan Sheekh Maxamuud ayaa khadka telefoonka kula hadlay Amiirka Dowladda Qatar, Mudane Sheekh Tamim Bin Hamad Al Thani iyagoo ka wadahadley xoojinta xiriirka walaaltinimo ee ka dhexeeya labada dal.
4- Madaxweyne Xasan Sheekh Maxamuud ayaa kormeeray xaaladda caafimaad ee dhaawacyada Ciidamada Xoogga Dalka Soomaaliyeed iyo kuwa madaniga ee ku jira Isbitaallada kala duwan ee magaalada Muqdisho.
5- Madaxweyne Xasan Sheekh Maxamuud ayaa magaalada Addis Ababa kaga qeybgelaya Shir Madaxeedka 38aad ee Midowga Afrika.
6- Golaha Wasiirrada Soomaaliya ayaa ansixiyey Xeer-Nidaamiyaha Xukuumadda, kaas oo hagaya hawlaha waaweyn ee ay xukuumaddu u hayso bulshada Soomaaliyeed,
7- Ra’iisul Wasaare Ku-Xigeenka Soomaaliya Saalax Axmed Jaamac ayaa daah furay Mashruuca Ugbaad oo ah barnaamij lagu horumarinayo beeraha si ay ugu adkeystaan isbeddelka cimilada ee Soomaaliya.
8- Ra’iisal Wasaare Ku-Xigeenka Labaad ee Soomaaliya Mudane Cabdisalaan Cabdi Cali (Dhaay), ayaa furay Shirweynaha Shanaad ee Ururrada Shaqaalaha Soomaaliyeed (FESTU) oo ka dhacay magaalada Muqdisho .
9- Ra’iisul Wasaare Ku-Xigeenka Soomaaliya, Mudane Saalax Axmed Jaamac, ayaa ka qayb galay bandhigga Suuq-weynaha Muqdisho oo ay isugu yimaadeen hormuudka ganacsatada Soomaaliyeed.
10- Ra’iisul Wasaare Ku-Xigeenka Labaad Soomaaliya Mudane Cabdisalaan Cabdi Cali (Dhaay) ayaa ka qeybgalay munaasabad lagu saxiixayey heshiiska shirkadadaha loo qaatay dhismaha waddooyinka caasimadda Muqdisho.
11- Guddoomiyaha Golaha Shacabka Sheekh Aadan Maxamed Nuur (Madoobe) ayaa furay kulanka banbaxa ee Guddiga Joogtada Golaha Shacabka.
12- Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa qaabilay Safiirka Talyaaniga u fadhiya Soomaallya Danjire Pier Mario Dacco Coppi.
13- Guddoomiyaha Golaha Shacabka Sheekh Aadan Maxamed Nuur (Madoobe) ayaa ka qeyb galay furitaanka mashruuca Gole-Kaab oo isku xiri doona Golaha Shacabka iyo bulshada rayidka.
14- Wasiirka Qoyska iyo Horumarinta Xuquuqul Insaanka Marwo Khadiija Maxamed Al-Makhzumi ayaa la kulantey Manuel M Pereira- oo ah madaxa hay’adda IOM ee Soomaaliya.
15- Wasiirka Aarrimaha Dibadda Mudane Axmed Macalin Fiqi ayaa la kulmay Danjiraha Shiinaha Wang Yu, isaga oo kala hadlay xoojinta xiriirka iyo iskaashiga labada dal.
16- Wasiirka Caafimaadka Dr. Cali Xaaji Aadan ayaa magaalada Geneva kula kulmay Madaxa Hay’adda Tallaalka Adduunka ee loo yaqaan GAVI.
17- Wasiirka Maaliyadda Biixi Imaan Cige ayaa ka qeyb galay furitaanka shirka sannadlaha ah ee Hey’adaha Maaliyadda Carabta oo ka dhacay dalka Imaaraatka Carabta.
18- Wasiirka Gaashaandhigga Soomaaliya Mudane Cabdulqaadir Maxamed Nuur iyo dhiggiisa Jamhuuriyadda Azerbaijan Mudane Zakir Hasanov ayaa magaalada Baku ee caasimadda Azerbaijan ku kala saxiixday heshiis iskaashi oo dhanka difaaca iyo warshadaha ah.
19- Wasiirka Warfaafinta, Dhaqanka iyo Dalxiiska Mudane Daa’uud Aweys Jaamac ayaa guddoomiyay shirka Guddiga Heer Wasiir ee Ka Hortagga Isticmaalka Khaldan ee Baraha Bulshada.
20- Wasiirka Arrimaha Dibedda Mudane Axmed Macallim Fiqi ayaa qaabilay wafdi oo uu hoggaaminayay Wasiir Ku-Xigeenka Arrimaha Dibadda ee Turkiga Prof. Burhanettin Duran.
21- Wasiirka Warfaafinta Mudane Daa’uud Aweys Jaamac ayaa magaalada Kuwait kaga qeybgaley daahfurka Caasimadda Warbaahinta iyo Dhaqanka ee Jaamacadda Carabta oo sannadkan 2025-ka loo aqoonsadey magaalada Kuwait.
22- Wasiirka Xanaanada Xoolaha Dhirta & Daaqa, Xasan Xuseen Maxamed ayaa kulan la yeeshay Kaaliyaha Agaasimaha Guud ee FAO ahna Wakiilka Afrika Dr. Abebe Haile-Gabriel.
23- Wasiirka Caddaaladda iyo Arrimaha Dastuurka, Xasan Macallin Maxamuud ayaa qaabilay Ku-Simaha Ergeyga Xoghayaha Guud ee Qaramada Midoobay Mudane James Swan.
24- Wasiirka Arrimaha Dibedda Danjire Ahmed Moallim Fiqi, ayaa qaabilay Sii-Hayaha Safaaradda Boqortooyada Norway ee Soomaaliya, Carsten Carlsen, isaga oo kala hadlay xoojinta xiriirka labada dal.
25- Madaxweynaha Dowlad Goboleedka Koonfuur Galbeed Cabdıcasııs Xasan Maxamed Laftagareen ayaa saxiixay hindise sharciyeedka Ilaalinta Gargaarka Bani’aadannimada.
26- Guddoomiyaha Gobolka Banaadir ahna Duqa Magaalada Muqdisho Mudane Maxamed Axmed Amiir ayaa kulan soo dhaweyn iyo dhiirigelin ah u sameeyay Asad Xaajiyow oo ka mid ah dhibbaneyaasha ay beegsadeen Khawaarijta oo horey isku day dil uga badbaadey.
27- Wasiirka Warfaafinta Mudane Daa’uud Aweys Jaamac iyo Safiirka Dowladda Talyaaniga u fadhiya Soomaaliya Danjire Peir Mario Dacco Coppi ayaa xarigga ka jaray Studiyaasha TV-ga Qaranka, oo dib u casriyeyn lagu sameeyay.
28- Madaxweynaha Dalka Turkiga, Recep Tayyip Erdogan, ayaa ka mahadnaqay kaalintii Soomaaliya taageerada wax ka qabashada dhibaatadii ka dhalatay dhulgariirkii 6-dii Febraayo, 2023.
29- Wasiirka Warfaafinta Mudane Daa’uud Aweys Jaamac ayaa magaalada Muqdisho si rasmi ah uga furay kulan ku saabsanaa doorka hoggaamiyeyaasha ururrada bulshada ka qaadan karaan xakameynta iyo ka hortagga faafitaanka fikradaha Xagjirka ah.
30- Qaar ka mid ah xubnaha Golaha Wasiirrada oo shir jaraa’id qabtay ayaa bulshada uga digay la tacaamulka iyo maalgelinta argagaxisada.
31- Wasiirka Batroolka iyo Macdanta Daahir Shire Maxamed ayaa kulan muhiim ah la qaatay Wasiirka Tamarta iyo Kheyraadka Dabiiciga ah ee Turkiga, Mudane Alparslan Bayraktar.
32- Wasiirka Beeraha iyo Waraabka Mudane Maxamed Cabdi Xayir Maareeye iyo wafdi uu hoggaaminayo ayaa dalka Talyaaniga uga qaybgalay shirka Beeraha Adduunka oo ay iskugu yimaadeen in ka badan 170 dal.
33- Guddoomiyaha Hay’adda Maareynta Musiibooyinka, Md. Maxamuud Macallin Cabdulle ayaa dalka Kuwait uga qeyb galey Madasha 6-aad ee Dalalka Carabta ee Yaraynta Khataraha Masiibooyinka.
34- Xafiiska Hantidhowrka Guud ayaa si rasmi ah ugu biiray Shabakadda Carabta ee Hufnaanta iyo La-dagaallanka Musuqmaasuqa (ACINET), taas oo qayb ka ah dedaallada lagu xoojinayo iskaashiga gobolka, isla-xisaabtanka iyo la-dagaallanka musuqmaasuqa.
35- Guddoomiyaha Gobolka Banaadir ahna duqa magaalada Muqdisho Mudane Maxamed Axmed Amiir ayaa xafiiska kula kulmay madaxa hey’adda IOM u qaabilsan Soomaaliya Mr. Manuel Marques Pereira.
36- In ka badan 60 ka tirsan aragagixisada Daacish oo lagu dilay hawlgal xooggan oo ciidanka Puntland ka fuliyeen buuraleyda Calmiskaad ee gobolka Bari
37- Ciidanka Xoogga Dalka Soomaaliya ayaa dilay in ka badan 10 maliishiyaad oo ka tirsan Khawaarijta kadib hawlgal ka dhacay deegaanno hoostaga degmada Xarardheere ee gobolka Mudug.
38- Maamulka iyo bulshada degmada Kaaraan ee magaalada Muqdisho ayaa soo dhoweeyay in dalka ay ka qabsoomaan doorasho qof iyo cod ah.
39- Wasaaradda Gaashaandhigga ayaa marti gelisay kulanka saddex biloodlaha ah ee looga hadlaayo illaalinta carruurta ay saameeyeen colaadaha.
========DHAMMAAD=========
