Ugu yaraan 19 qof oo isugu jira qaxooti iyo tahriibayaal ka yimid dalalka Saxaraha ka hooseeya ee Afrika ayaa ku qaraqmay xeebaha Tunisia xilli ay isku dayayeen inay ka gudbaan badda Mediterranean-ka oo ay gaaraan Talyaaniga.
Sarkaal u hadlay hayโad u dooda xuquuqda aadanaha,Romdhane Ben Amor ayaa wakaaladda wararka ee Reuters u sheegay in doontaasi ay ku degtay xeebaha Mahdia ee dalka Tuniisiya ka dib markii ay ka soo shiraacatayย xeebaha Sfax ee dalkaasi.
Afartii maalmood ee la soo dhaafay, ugu yaraan shan doonyood oo ay saarnaayeen dad qaxoonti iyo tahriibayaal ah ayaa ku degtay koonfurta magaalada Sfax, waxaana la laโyahay 67 qof halka sagaal kalena ay dhinteen,isla markaana la badbaadiyay shan ruux.
Ciidamada ilaalada xeebaha ee Tuuniisiya ayaa ย sheegay in afartii maalmood ee la soo dhaafay ay joojiyeen ilaa 80 doonyood oo ku wajahnaa dalka Talyaaniga, waxaana ay xireen in ka badan 3,000 oo qof oo u badan dad ka yimid wadamada Saxaraha ka hooseeya ee Afrika.
wakaaladda wararka ee ANSA ee Talyaaniga ay sheegtay in in ka badan 2,000 oo magangalyo doon ah ay 24 saac gudahood ku gaareen jasiiradda Lampedusa ee Talyaaniga.
Masiibadii ugu dambeysay ayaa timid xilli ay socdaan olole ay masโuuliyiinta Tunisia ku xirayaan dadka aan sharciga lahayn ee ka imaanaya dhulalka ka hooseeya Saxaraha Afrika.
