Muqdisho,(SONNA):- Taliyaha Hoggaanka Baarista Dembiyada G/Sare. Muxudiin Axmed Cusmaan, ayaa Magalaada Amaan ee dalka Urdun uga qeyb galey shir ay soo qaban qaabisey Wasaarada Amniga Dalka Urdun/Jordan, IOM iyo Jaamacada Daraasadka Amniga ee Naรฏf.
Shirkaaas oo soconaayey 3 casho 15 – 18 July 2025, ayaa waxaa ka soo qeybgalay masuuliyiinta dhigiisa ah ee Dowlaha Jaamacada Carabta, waxaana diirada lagu saarey la dagaalanka Socdaalka sharcidarada ah oo Tahriibka qeyb ka yahay, kaas oo dhibaato badan ku haayo Caalamka gaar ahaan dalaka Geeska Afrkica, ayadoo mudooyinkii ugu dambeeyey Soomaaliya ay kordhayeen kiisaska la xariirka Dembiyada lagu galo Tahriibinta.
Taliyaha ayaa ka jeediyey Shirka soojeedin ku saabsan sida Ciidanka Boliiska uu ula tacaalo dambiyadaas gaar ahaan Hoggaanka Baarista Dembiyada iyo sidii la iskala kaashan lahaa la dagaalanka dembiyadaas heer Gobol iyo mid Caalami.
Taliyaha, ayaa sidoo kale ka qeyb galey Pannel looga hadlaayey qataraha Tahriibka iyo Doorka kaga aadan Hayโada Amniga oo ugu horeeyo Boliiska Gaar ahaan ahaan Hoggaanka Baarista Dembiyada ( CID) kaas oo si faahfaahsan ugu falanqeeyey Marxalada Tahriibinta ee Dalka ka jira iyo Waxyabaaha keena.
Wasaaradaha iyo Hayโadaha ka qeyb galey shirka ayaa si wada jir ah hoosta uga xariiqey in ay kordhin doonaa gacansiinta dhanka Tababarada, Qalalbka iyo la talinta Hayโadaha Amniga ay ugu horeyso CID-da iyo Hayโada Socdaalka iyo Jinsiyadaha si ay awood buuxda uga yeelan lahaayeen la- dagaalanka Tahriibka iyo Guud ahaan dembiyada Abaabulan.
Ka qeybgalka shirkaan, ayaa muhiimad gaar ah u leh Hayโadaha Amaanka gaar ahaan Boliiska Soomaaliyeed oo leh masuuliyada koowaad ee la dagaalanka, Yareynta iyo Ciribtirka Dembiyada nuucaan ah.
