Muqdisho (SONNA) – Taliyaha Ciidanka Booliiska Soomaliyeed Sareeye Guuto Sulub Axmad Firin iyo Safiirka Dowladda Mareykanka u fadhiya Soomaaliya ayaa maanta tababar u soo xirey qeyb Ka mid ah Ciidanka Bar hubinta Guur guura ama (Checkpiont-yada Guur Guura ) ee Booliiska Soomaaliyeed.
Xafladda tababarka loogu soo xiraayay askartaan waxaa ka qeybgalay Taliyaha Hoggaanka howlaha Booliiska Sareeye Guuto Maxamed Maxamuud Garaar, Taliyaha Qeybta Guud ee Booliiska Gobolka Banaadir Gaashaanle Sare Mahdi Cumar Muumin, Guddoomiye ku-xigeenka Amniga iyo Siyaasadda Maamulka Gobolka Banaadir Maxamed Axmed Diiriye (Yabooh) iyo Saraakiil Kale.
