Muqdisho(SONNA):- Ilaaheey ha u naxariistee Marxuum Ciise Faarax waxa uu ku dhashay Magaalada Muqdisho sanadkii 1948-kii, waxa uuna Marxuum Ciise Faarax ahaa Tafaftirahii ugu horreeyay Joornalka dalka Ex Xidigtii Oktober, laga soo bilaabo 21-kii Janaayo sanadkii1973 markii la bilaabay soo saarista Wargeys ku qoran Afka Hooyo ee Soomaaliga.
Marxuumka ayaa waxbarashiisaa ka bilaabay isla magaalada Muqdisho, waxa uuna Dugsigiisa sare ka baxay sanadkii 1972-kii, kadib waxa shaqadiisii ugu horreysa ka bilaabay kuna aakhirsaday Wasaradda Warfaafinta, si gaar ah waxa uu uga shaqeyn jiray Waaxda Qoraalada iyo Wargeysyada, gaar ahaa Wargeysyadii La Istella, Xiddigta Oktoober iyo Wargeysaka Dalka oo haatan loo yaqaan ilaa uu ka gaaro heerka ugu sarreysa uuna soo noqday Tafatiraha Wargeyska.
Intii uu ku gudajiray shaqadiisa Suxufinimo waxa uu Culuunta Saxaafadda ka bartay Kulliyada Saxaafadda ee Jaamacadda Ummada Soomaaliyeed, waxa uuna ka qaatay Shahaadaha BA ee Suxufinimo sanadkii 1981-kii, waxayna ahaayeen Dufcadii kowaad ee Kulliyadda Saxaafadda.
Burbur iyo Qax kadib ayaa mar kale waxaa dib loo bilaabay Wargayska Dalka Ex Xidigtii OKtobar. Sanadkii 2015-kii Bishii Janaayo 21-keeda. iyada oo xiligaa uu dalka Madaxweyne ka ahaa Mudane, Xasan Sheekh Maxamuud dib ugu dhawaaqay Horumarinta Afka iyo Qoristiisa Xili asiga iyo dhigiisa dalka Jabuuti dhagax dhigayeen Xarunta Goboleedka farta Iyo luuqada Soomaali-weyn, ayaa Markale wax uu Marxuumka loo magacaabay Tafaftiraha Wargeyska dalka, waxa uuna ku can baxay Sheekaddii Taxanaha aheyd YAXAAS ARBACOW, taasi oo ka hadleysay hoggaamiye Kooxedyadii markaa magaalada Muqdisho kala goos goostay, waxaana lagu xusi karaa inuu ahaa Qoraa geesi ah oo xilligaasi u bareeray inuu wax ka sheego qolooyinkaasi.
Ilaah ha u naxariiste Marxuum Ciise Faarax markii uu dhacay dagaalkii sokeeye ee Dalka 1991-kii ayna burburtay Xukuumaddi dhexe, waxa uu sii watay howshiisa Suxufinimo, waxa uuna wax ku qori jiray Wargeysyadii xilligaasi ka soo bixi jiray Magaalada Muqdisho, gaar ahaan Wargeysyada Qaran, Xog ogaal iyo Ayaamaha, Qoraa sare Ciise Faarax waxa uu qori jiray magaallo badan, kuwaasi oo si gaar ah uga hadli jiray arrimaha Bulshada iyo siyaasadda.
Marxuum Ciise Faarax ayaana shaqaynayay ilaa Sanadkii 2017 ilaa uu sidaa ku noqdo howl-gab u soo Adeegay Qarankiisa, waxaana alle SWC ugu rajayn inuu Janno ugu bishaareeyo Ciisa Faarax .
Ugu dambeyntii Saakay ayay u timid geereada xaqqa ah, waxaana Muragada iyo Tiiraanyada geerida la qeybsanaysaa dhammaan qowskii iyo qaraabadii,Bahda Warbaahinta Qaranka oo uu ka baxay Alle ha unaxariite Ciise Faarax oo ka tirsanaa Shaqaalaha Wasaaradda Warfaafinta dhaqanka iyo Dalxiiska JFS.
SONNA
