Wakaaladda Wararka Soomaaliyeed ee SONNA, oo ah udub-dhexaadka warbaahinta Qaranka, waxay maanta u dabbaaldegaysaa sannadguuradeedii 62-aad. Tan iyo markii la aasaasay sannadkii 1964-tii, SONNA waxay ahayd muraayadda laga dhex arko horumarka, nabadda, iyo himilooyinka shacabka Soomaaliyeed.
Hambalyo ku socota Maamulka iyo Shaqaalaha
Waxaan hambalyo kal iyo laab ah u diraynaa Agaasimaha Guud ee SONNA, Mudane Ismaaciil Mukhtaar (Oranjo), iyo dhammaan hawlwadeenada u dhabar-adaygay inay qaranka u soo saaraan warar suuban, xaqiiqo ku dhisan, iyo falanqayn qoto dheer. Isbeddelka iyo tayada muuqata ee SONNA maanta leedahay waa natiijada aqoonta iyo khibradda ay u leeyihiin hoggaanka iyo suxufiyiinta ka hawlgala.
Astaan Qaran iyo Indhaha Caalamka
SONNA ma aha oo kaliya wakaalad warar, balse waa Astaan Qaran oo soo jiidata indhaha caalamka.
Iyadoo ku waranta Afka Hooyo (Soomaali) iyo afafka qalaad ee dunida loogu hadlo, waxay si hufan u gudbisaa:
Horumarka baaxadda leh ee ka socda dalka.
Wararka madaxtooyada, shaqada xukuumadda, iyo sida ay bulshada Somaliyeey isbadalada hormarineed ee ganacsi iyo hal abuur iyo Dawlada jacaulka ay qabaan sido kale
Xogaha muhiimka ah ee Geeska Afrika iyo guud ahaan caalamka.
Isha Laga Xigto Xaqiiqada
Maanta, SONNA waxay la jaan-qaadday wakaaladaha caalamka ee dhinaca farsamada iyo xawaaraha macluumaadka. Waxay noqotay isha koowaad ee ay ka xigtaan warbaahinta gudaha iyo kuwa caalamiga ahba xogaha la xidhiidha Soomaaliya, taas oo muujinaysa kalsoonida iyo xirfadda ay ku dhisantahay.
Waxaan SONNA u rajaynaynaa inay sii ahaato hoggaanka wararka Soomaaliya, sannadkan sannadkiisana ay ku gaadho horumar intan ka sii ballaaran.
Guul iyo Gobanimo, SONNA!
1964 – 2026
Waxa qoray Agasimaha Waaxda Warfaafinta iyo Xidhiidhka Dadwaynaha Wasaaradda Gaadiidka iyo Duulista Hawada Xukuumadda Faderalka Mohamed Abdi Osman Faradheere
