Maamulka Shirkadda Rotana oo ah shirkad maamusha hoteello badan oo ku yaalla dunida ayaa ku dhawaaqday dhismaha Hotelkii u horreyay oo Five Star ah oo laga hirgallinaayo Magaalada Muqdisho.
Safiirka Soomaaliya u fadhiya Imaaraadka Carabta Amb Xuseen Cabdi Xalane iyo Masโuuliyiinta ayaa goobjoogayaal ka ahaa saxiixa heshiiskaasi oo dhexmaray Maamulaha Premier Bank Jabriil Hassan Mohamed iyo madaxda shirkaddaasi.
Mashruuca lagu dhisayo Hotelka Rotana iyo adeegyada kale ee casriga ah ee uu yeelanayo Mashruuca Gateway Complex ayaa noqon doona mid taariikhi ah oo daabooli doona baahida kala duwan ee dhanka ganacsiga iyo adeegyo bulsho sida hoolalka shirarka,cisbitaal,dugsi,qolal la jiifto iyo mool.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa dhawaan Muqdisho ka daahfurtay Mashruuca Gateway Complex, kaas oo muhiim u ah dowlad dhiska casriga ah ee Soomaaliya.
Shirkadda Rotana Hotel Management Corporation PJSC waa shirkad maamusha huteello badan oo ku yaal qaar kamid ah dalalka ย Bariga Dhexe,kuwa Balkanska, Afrika, iyo Turkiga.
