Minneapols(SONNA):-Shan hablood oo Soomaali ah ayaa ku geeriyooday shil Gaari oo ka dhacay dalka Maraykanka
Waxa shil gaari ku geeriyooday shan hablood oo Soomaaliyeed dalka Maraykanka ka dib shil Gaari oo halkaas ka dhacay,shilkan ayaa ka dhacay magaaladda Minneapolis gaar ahaan agagaarka suuqa Karmel Mall,halkan ayaa ah goob ay isugu yimaadaan dadka Soomaaliyeed.
Hablaha geeriyooday ayaa 3 ka mid ahi ahaayeen isku qoys,hablaha ayaa suuqa ka adeeganayey iyagoo isu diyaarinayey munaasabad qalin jabin.
Shilkan ayaa waxa sababay nin la sheegay inuu la soo baxsaday Gaari ka dib markii uu Gaarigiisa xagga qaybta dambe kaga dhuftay Gaari hablaha wateen.
Ciidanka Booliiska ayaa la sheegayaa in ay gacanta kusoo dhigeen Eedaysanaha geystay shilkan.
