Muwaadiniyiinta oo tiradooda gaareysay 133 qof ayaa waaxaa maanta mar kale dib loogu celiyay Magaalada Muqdisho,iyagoo ku goโdoonsanaa dalka Uganda tan iyo markii uu caalamka kala xirxiray xanuunka safmarka ah ee Coronavirus.
Dadka maanta soo laabtay, ayaa iskugu jiray arday wax ka baraneysay jaamacadaha kala duwan ee ku yaala dalkan Uganda, iyo dadyow kale oo dalkan siyaabo kala duwan u joogay, sidoo kale Safaaradda Soomaaliya ee dalkan Uganda oo mar walba u taagan ka warqabka Muwaadiniyiinta ย Soomaaliyeed ee halkan ku nool ayaa gacan weyn ka geystay dib u celinta dadkan.
Siihayaha Safaaradda Soomaaliya ee Uganda Mudane Cali Maxamed Maxamuud (Cali Cagabaruur) oo ku sugnaa gudaha garoonka ayaa muwaadiniyiinta ka saacidayay wax walba oo aay u baahanyahiin asigona qof walba mid mid u weydinayay haddii ay jirto cabasho ama wax u baahan yahay in laga caawiyo.
Tida guud Muwaadiniyiinta Soomaaliyeed ee ku xayirneed dalka Uganda ee ilaa iyo hadda Safaaradda ย Soomaaliya ee Uganda dalkii dib ugu soo celisay ayaa ah 217 qof iyadoo sido kale Safaaradda ay wado dadaalo dib looga celinayo Muwaadiniinta Uganda ku xayiran
