Qaramada Midoobe oo uga digtay Tanzania inay dib u celiso dadka kasoo qaxay  rabshadaha Mozambique

La wadaag cid kale

Tanzania.(SONNA):- Qaramada Midoobe ayaa sheegtay inay aad uga walaacsantahay warbixin ay heshay oo ku saabsan in Tanzaniya dalkeeda u diiday inay soo galaan dad kasoo cararay qalalaasaha ka socda dalka Mozambique.

Weerarkii 24-kii Maarso lagu qaaday magaalada Palma ee dalka Mozambique, wuxuu sababay in dad badan u qaxaan magaalooyinka kale ee dalka halka qaar kalena ay u baxsadeen dalalka deriska ah.

Hey’adda u qaabilsan Qaramada Midoobe arrimaha qaxootiga waxey ogaatay in Tanzania ay diiday inay dalkeeda soo galaan in ka badan 1,000 qof oo kaso qaxay dalka  Mozambique

Todobaadki hore, doon ay la socdeen 45 qof  ayaa gaartay xeebaha Tanzania, waxaana soo dhaweeyay dadka deegaanka ah sida ay sheegtay wakaaladda Reuters laakin waxaa adag in dadku kasoo galaan xadka barriga.

Magaalada Palma, waxey hadda kusoo laabatay si caadi, waxaana ku soo noqday qaar ka mid ah dadkii ka cararay isbuuci hore sida ay sheegeen mas’uuliyiinta magaaladaas.

La wadaag cid kale