Muqdisho(SONNA):-Dagaalka dalka Soomaliya looga xorraynayo kooxaha khawaariijta ayaa intii uu socday maray dhowr weji oo lagu wajahay kooxdan naxariista daran.
Guddoomiyaha gobolka Hiiraan mudane Cali jayte ayaa intii uu socday dagaalka kooxda khawaariijta looga sifaynayo gobolka Hiiraan waxa uu sameeyey balanqaad uu dul dhigay horjoogayaasha kooxda khawaariijta in qofkii soo dila abaal marin la siinato.
Balanqaadka guddoomiyaha maalmo kooban ka dib askar ka tirsan Ciidanka Ciidanka xoogga dalka ayaa hawlgal qorshaysan oo ka fuliyeen degmada Moqokori waxay ku dileen laba horjooge oo ka tirsanaa kooxda khawaariijta.
Munaasabad ka dhacday degmada Maxaas ayna kasoo qayb galeen Xildhibaano heer federaal ah iyo masuuliyiin ka socotay maamulka Hirshabeelle ayuu guddoomiyaha gobolka Hiiraan ku wareejiyey lacah dhan $10,000 oo dollar Ciidankii fuliyey hawlgalkan.
Maxamed Maalin oo ka mid ah dadka deegaanka Ceel-baraf ee gobolka Shabeellaha dhexe,isagoo ku sugan deegaankiisa oo ay xiligaas ku sugnaayeen kooxda khawaariijta ayuu maqlay balanqaadka ah in qofkii madaxiisa keena horjooge ka tirsan kooxda khawaariijta uu heli doono abaal marin lacageed taas oo uu hore u balanqaaday guddoomiyaha gobolka Hiiraan” hawlgalkan shabaab la dirirka wax aan kusoo biiray maalin khamiis ah, Jumce,Sabti,Axad markii aan joogay ayaan Isniin ayaan fuliyey hawlgalka,geedkan ayaanan ku dilay horjoogihii maaliyadda ee kooxda khawaariijta” ayuu yiri Maxamed Maalin.
Khawaariijta Al-shabaab oo ku jira maalmihii ugu dambeeyey ee noloshooda ayaa wajahaya marxalad adag oo dagaal iyo mid nololeed iyagoo bilaabay in ay isu soo dhiibaan Ciidanka Dowladda ee ku sugan furimaha dagaalka.
