Muqdisho(SONNA)–Wasaaradaha caafimaadka ee heer federaal iyo heer maamul goboleed ayaa maanta kulan ku saabsan dib u eegista lagu sameeyay xermooyinka caafimaadka aasaasiga ah ee dalka ku yeeeshay magaalada Muqdisho.
Soo bandhigidda Dib u eegista lagu sameeyay xermooyinka caafimaadka aasaasiga ah ee dalka oo ah barnaamij ay wajigiisa koowaad sanadkii 2009-kii ka soo wada shaqeeyeyn Wasaaradaha caafimaadka,ย yoolkiisana uu yahay In la helo adeeg bixin caafimaad oo loo dhan yahay ayuu ku saabsanaa kulankaasi oo ka qeyb galeyn Masuuliyiinta Wasaaraddaha Caafimaadka ee heer federaal iyo heer maamul goboleed.
Kulanka ayaa lagu falanqeeyay sidii loo kordhin lahaa islamarkaana dhaqaale badan loogu heli lahaa xermooyinka caafimaadka aasaasiga ee dalka iyo sidii looga wada shaqeyn lahaa in dalka oo dhan la gaarsiiyo, si looga wada faaiideysto.
Wasiirka Caafimaadka Soomaaliya Drs Fowsiya Abiikar Nuur oo shirkaasi shir guddoomisay ayaa ka hadashay muhiimada ay Soomaaliya u leedahay inay hesho adeega Caafimaad ee loo dhan yahay.
