In ka badan 10,000 oo shaqaale ah oo ka tirsan saddex ka mid ah shirkadaha sameeya baabuurta ee Maraykanka ayaa bilaabay shaqo joojin, sida uu sheegay urur ay ku bohoobeen shaqaalahaasi.
Shaqo jooojintaan ayaa kaย bilaabatay saddex warshadood oo ay leeyihiin General Motors (GM), Ford iyo Stellantis,waxaana jira cabsi laga qabo in carqalad weyn ay ku timaado shirkadaha waaweyn ee xagga warshadaha baabuurta iyo in uu sare u kac ku yimaado iibsadayaasha gawaarida.
Ururka (UAW) ayaa sheegay in shirkaduhu aysan soo bandhigin dalabyo la aqbali karo,ka dib markii qandaraasyada shaqaaluhu ay dhaceen habeenkii Khamiista ee la soo dhaafay.
Madaxa ururka Shawn Fain ayaa BBC-da u sheegay in shirkadahaasi hadda ay u taallo sidii ay u xallin lahaayeen khilaafkaasi,isagoo intaa taaciyay in marka la bilaabo daryeelka shaqaalahooda ay wax kasta dhammaan doonaan.
Ururku waxa uu raadinayay in 40% la kordhiyo mushaharka shaqaalaha oo xilligaan gaaraya ku dhawaad 140,000 oo xubnood.
Shuruudaha shaqaalaha waxaa kale oo kamid ah in afar cisho ay shaqeeyaan todobaadkii.
