Mareykanka ayaa codka diidmada qayaxan ku horistaagay xabbad-joojin laga hirgaliyo dhulka Gaza,taas oo uu soo jeediya Xoghayaha Guue ee Qaramada Midoobay Antonyo Gutares.
Diidmada Mareykanka ayaa timid xilli maalintii shalay Golaha Ammaanka uu u fariistay kulan looga hadlaayey arrimaha Gaxa iyo sida loo helo karo xabbad-joojin.
Falastiiniyiinta ayaa Mareykanka ku dhaleeceeyay inuu horistaagay baaqii xabad joojinta ee ka yimid Qaramada Midoobay,waloow ay jiraan cadaadis sii kordhaya oo ku aadan sidii loo badbaadin lahaa dadka reer falastiin eek u sugan Gaza
Duqeymaha Israa’iil ee Gaza ayaa sii socda, iyadoo tobaneeyo la sheegay inay ku dhinteen weerarrada Khan Younis ee koonfurta Gaza, waxaana WFP ay sheegeen in Falastiiniyiinta barakacay ay ku nool yihiin waddooyinka Gaza iyaga oo aan helin cunto iyo sahay kale oo muhiim ah.
Ugu yaraan 17,487 falastiiniyiin ah ayaa lagu dilay Gaza tan iyo Oktoobar 7. Israa’iil, tirada rasmiga ah ee dhimashadu waxay maraysaa 1,147.
