Maraykanka iyo qaar ka mid ah xulafadiisa Yurub ayaa ku dhawaaqay deeqo cusub oo hub ah oo la siinayo Ukraine, ka hor kulan muhiim ah oo lagu xoojinayo difaaca dalkaasi oo muddo ku dhow sanad la dagaalamaya Ruushku.
Mareykanka wuxuu sheegay in xirmada taageerada militari – oo ay ku jiraan gawaarida gaashaaman, nidaamyada difaaca hawada iyo tobanaan kun oo gantaallo ah iyo madaafiic qiimaheedu dhan tahay $2.5bn la siinayo Ukraine.
Xoghayaha Arimaha Dibada Antony Blinken ayaa sheegay inay tahay “xirmo cusub oo muhiim ah oo dhanka amniga ah si looga caawiyo Ukraine inay sii wado inay iska difaacdo dagaalka arxan darada ah ee Ruushka.
Goor sii horreysay, Boqortooyada Ingiriiska oo si wadajir ah u soo saartay warbixin ay si wada jir ah u soo saareen wasiirrada difaaca iyo wakiillada sagaal waddan oo Yurub ah ayeey ku sheegtay inay 600 oo gantaal oo Brimstone ah u diri doonto Kyiv, halka Denmark iyo Sweden ay ballan qaadeen nuucyo kale oo hub ah.
