Madaxweynaha Falastiin Maxamuud Cabbaas ayaa ku booriyay Qaramada Midoobay (Q.M) in ay hakiso xubinnimada Israa’iil,haddii aysan joojin gardarrada ay ku hayso dadka Falastiiniyiinta, isla markaana aysan u hoggaansamin fulinta go’aannada dhigaya in Israa’iil iyo Falastiin ay moqdaan kuwo si gooni ah u taagaan.
hadalkaan ayaa ku soo beegmay xilli dadka reer Falastiin ay wadaan xus ay ka qeybgaleen kumanaan dad ah oo ka soo qaxay dalka hadda loo yaqaan Israa’iil,kaas oo ay ka socdaan rabshado laga soo bnilaabo 75 sano ka hor.
Madaxweynaha oo qudbad qiiro leh ka jeediyay xarunta Qaramada Midoobay ayaa xubnaha golahaasi waydiiyey sababta in ka badan 1000 qaraar oo khuseeya Falasyiin ,kana soo baxay hay’adaha loo fulin la’yahay.
“Waxaan dalbaneynaa maanta si rasmi ah, si waafaqsan sharciga caalamiga ah iyo go’aamada caalamiga ah, in aan hubinno in Israa’iil ay ixtiraamto go’aamadaan ama ay joojiso xubinnimada Israel ee Qaramada Midoobay,” Madaxweyne Cabbaas ayaa ku yiri khudbadiisa.
Khudbadda madaxweyne Falasyiin,waxaa kaloo ku jiray in dib loo soo celiyo qaxootiga Falastiiniyiinta ee ka cararay deegaanadooda,kuwaas oo 15-ka May sanad kasta qabta xus loogu magac daray Nakba – ama masiibo.
