Muqdisho (SONNA):- Madaxweynaha Jamhuuriyadda Federaalka Soomaaliya mudane Dr. Xasan Sheekh Maxamuud oo khudbad ka jeediyay munaasabad loogu dabaaldagayay sanad-guuradii 80-aad ee ka soo wareegatay aasaaska Ciidanka Booliska Soomaaliyeed ayaa hambaliyo u diray ciidamada Booliska.
Madaxweynaha ayaa bogaadiyay dadaalka ay ciidamada booliska ugu jiraan xaqiijinta amniga dalka, inkastoo ay jiraan duruufo ku xeeran.
“80-kii Sano ooBooliska jiray, madax kala duwan ayaa dalka soo maray, dhamaan saraakiisha Booliska ee ka soo shaqeeyay amniga dalka 80-kaas Sano waxa ay mudanyihiin amaan”. ayuu yiri madaxweynaha.
Madaxweynaha ayaa sheegay in guulaha amni ee la gaaray sanadihii la soo dhaafay ay suurta galiyeen Ciidamada geesiyaasha ahaa ee naftooda & dhiigooda u huray sugida amnigeena.
