Madaxweynaha Dowlad-goboleedka Koonfur Galbeed Mudane Cabdicasiis Xasan Maxamed Laftagareen ayaa Xarunta Madaxtooyada Magaalada Baydhabo ku qaabilay Guddoomiyaha Guddiga Madaxa-bannaan ee Doorashooyinka Qaranka Mudane Cabdikariin Axmed Xasan iyo wafdi uu hoggaaminayo kuwaas oo maanta soo gaaray Magaalada Baydhabo.
Madaxweyne Laftagareen iyo Gudoomiyaha Gudiga Doorashooyinka Qaranka ayaa Kulankooda uga wada hadlay arrimo la xiriira geeddi-socodka doorashooyinka Dalka, wadatashi ku saabsan hawlaha doorashooyinka iyo qiimeynta diyaar-garowga habsami u socodka howlaha la xiriira geeddi-socodka dimuqraadiyadda dalka.
Goor hore oo maanta ah, guddoomiyaha Guddiga Madaxa-bannaan ee Doorashooyinka Qaranka Mudane Cabdikariin Axmed iyo wafdi uu hoggaaminayo ayaa Baydhabo u gaaray si ay kulamo ula yeeshaan masโuuliyiin kala duwan oo ka tirsan Koonfur Galbeed, oo ugu Horeeyo Madaxweyne Laftagareen si ay uga wada hadlaan dardargelinta arimaha doorashooyinka.
