Gaalkacyo.(SONNA)…maxkamada ciidamada qalabka sida g/lle Muumin Xuseen Cabdulaahi oo maalmahaanba howlo shaqo ku joogay magaalada gaalkacyo ee xarunta gobalka Mudug ayaa kormeeray saldhigga ciidanka booliiska ee magaaladaasi.
Xeer ilaaliya ku xigeenka oo ay halkaasi ku soo dhoweeyeen taliyaha saldhiga boliiska gaalkacyo kabtan Cali xirsi sahal iyo taliyaha qeybta booliiska fadraalka ee gpbalka mudug gaashaanle dhaxe Qaasim Shirdoon Cali ,waxa uu ka waramay ujeedka kormeerka uu ku tagay halkaasi iyo sida loogu baahan yahay dardargalinta howlaha ciidamada.
G/lle Muumin Xuseen Cabdulaahi ayaa hadallo dar daaraan ah oo ku aadan dhowrista shuruucda ciidamada iyo wanaajinta la dhaqanka bulshada u jeediyay saraakiisha iyo ciidamada booliiska ee ka howlgala galkacyo
Taliyaha saldhiga ciidanka booliiska fadaraalka ee dagmada galkacyo kabtan cali xirsi sahal iyo taliyaha qeybta booliiska fadraalka ee gpbalka mudug gaashaanle dhaxe qaasim shirdoon cali ayaa iyaguna dhankooda ka mahad celiyay kormeerka iyo la socadka howlaha shaqo ee ciidanka booliiska .
