Maamulka Wasaaradda Dhallinyarada iyo Isboortiga JFS ayaa magaalada Gaalkacyo ,gaar ahaan qaybta Galmudug ku soo gabogabaysay shirka wadatashiga iyo ansixinta siyaasadda Qaran ee Dhallinyarada Soomaaliyeed.
Agaasimaha waaxda sharciyada Wasaaradda Xasan Sh. Cabdi Abuubaka( Codey) oo Dhallinyarada Galmudug kala qayb-galay Shirweynaha ansixinta iyo wadatashiga siyaasadda Qaran ayaa sharaxaad ka siiyay meelaha ay xoogga saarayso siyaasaddaasi, afarta sano ee soo socota.
Hormuudka dhallinyarada Galmudug oo ka kala yimid magaalooyinka Dhuusamareeb, Cadaado, Guriceel iyo degmooyin kale ayaa ka soo qayb-galay shirka wadatashiga ee dhallinyarada Galmudug ,kaas oo ay soo qaban qabiyeen wasaaradda dhallinyarada iyo cayaaraha XFS.
Dhowaan ayaa la filayaa in golaha Xukuumadda Federaalka Soomaaliya ay meel mariyaan siyaasadda qaran ee dhallinyarada Soomaaliyeed, iyadoo wasaaraddu ku tallo jirta in dhammaan dowlad goboleedyada iyo dhallinyarada qurbaha la maqlo ra’yigooda intaan golaha la hor gayn.
Wadatashiyo noocan ah,waxaa horay loogu qbtay dhallinyarada dowlad goboleedyada Jubbaland iyo Hirshabeelle.
