Wasiirka waxbarashada Galmudug Maxamed Xaasho Dhoore, ayaa maanta xariga ka jaray Dugsi, Hoose, dhexe iyo Sare oo hey’adda CISP ka hirgelisay degaanka Galinsoor ee gobolka Galgaduud.
Munaasabad lagu qabtay xarunta Dugsiga waxaa ka qeybgalay xildhibaano baarlamaanka Galmudug ka tirsan iyo mas’uuliyiin kale, Maxamed Mustaf Saciid oo ah madaxa hey’adda CISP ee Galmudug ayaa sheegay in Dugsigan uu yahay kii affaraad oo Galmudug ka dhisaan.
Hey’adda CISP oo laga leeyahay dalka Talyaaniga ayaa horey sidan oo kale Dugsiyo ugu hirgelisay magaalooyinka; Hobyo, Bacaad-weyn iyo Caabud-Waaq.
