Muqdisho(SONNA):-Kooxaha khawaarijta ee gabalkoodu sii dhacayo ayaa maalmihii u dambeeyey iska khaarajiyey horjoogayaal sar sare,horjoogayaashan ayaa lagu kala khaarajiyey gobolada Shabeellaha dhexeย iyo Jubbada dhexe.
Horjoogayaashan ayaa ka kala tirsanaa Al-shabaab iyo Daacish,horjogayaashan ayaa ahaa in mudo maxaabiis u xir xirnaa kooxda Al-shabaab.
Sida ay ogaatay warbaahinta qaranku kuna heshay liiska horjoogayaasha la khaarajiyey ayaa waxay kala yihiin sida hoos ku qoran.
1: horjooge Cali Aadan oo hore uga tirsanaan jiray khawaarijta Al-shabaab hore na uga qayb qaatay dagaalo ka dhacay Muqdisho kaas asal ahaan kasoo jeeday degmada Jilib kaas oo khawaarijta Al-shabaab u xirnaa ilaa sanadii 2017 ka dib markii uu cadaystay inuu ku biiray kooxda Daacish.
2: horjooge Anas Dheere wuxuu hore uga tirsanaa kooxda khawaarijta Al-shabaab isagoo u qaabilsanaa waxa ay ugu yeeraan Jabhada gobolada Jubbooyinka isagoo ka baxay Shabaab 2016 isagoo ku biiray daacish balse waxa xirtay kooxda Shabaab horjooge Anas ayaa kasoo jeeday deegaanka Xeraalle.
3: horjooge Fayfle oo Daacish u qaabilsanaa qaybta soo dhowaynta ajaanibta Soomaliya imaanaysa deegaamayntooda horena uga tirsanaa shabaab balse galay gacanta Al-shabaab 2018 ayaa ka mid ah dadka loo dilay inuu Daacish ka tirsan yihiin.
4: horjooge Jibriil Nuur Yuusuf oo markiisii hore ka mid ahaa aasaasayaasha warbaahinta kooxda Al-shabaab balse markii dambe ku biiray kooxda Daacish,jibriil ayaa ilaa 2017 u xirnaa kooxda Shabaab kaas oo hadda la xaqiijiyey in ay dileen,Jibriil ayaa wuxuu kasoo jeeday deegaanka Ceel Baraf.
Ka sokow horjoogayaashan la khaarajiyey waxa sidoo kale jira horjoogeyaal kale oo ku jira gacanta kooxda Al-shabaab kuwaas oo sida xoggaha sheegayaan la filayo in iyagana maalmaha soo socda la khawaarajiyo,sida ay warbaahinta qaranka ogaatay horjoogayaashan ayaa kala ah horjooge Ayuub Suudani oo kasoo jeeda dalka Sudan,horjooge Abu Maxamed makhribi oo kasoo jeeda dalka Aljeeriya iyo Abu muscab oo Soomaali ah balse haysta dhalashada dalka Jarmalka.
