Muqdisho.(SONNA):- Ciidanka Xoogga Dalka ayaa howlgallo lagu baacsanayo Kooxda Khawaarijta ah ee Al-shabaab ka sameeyay deegaanno hoostaga degmada Berdaale ee gobolka Baay.
Ciidamada ayaa howlgalka qorsheysan kula wareegay tuulooyin dhowr ah oo ay maleeshiyaadka Khawaarijta dadka ku baadi jireen. Maleeshiyaadka Al-shabaaab ayaa halkaas isaga cararay markii ay u babac dhigi waayeen awoodda geesiyaasha qaranka oo u qalab qaatay in ay shacabka deegaannada hoostaga Berdaale ka dul qaadaan gumaadka ay ku hayaan argagixisada.
Shacabka ku dhaqan deegaannada ay gaareen ciidamada Qaranka ayaa si aad ah ugu farxay gumeysiga Khawaarijta ee laga dulqaaday iyo aragtida ciidamada dalka, waxayna balan qaadeen in ay la shaqeyn doonaan Dowladda si aysan markale Khawaarijta u soo laaban.
