Boosaaso(SONNA);- War ka soo baxay Ciidamada Hawlgalka Ciribtirka Argagixisada Puntland ee ku sugan deegaanka Dharjaalle ee Gobolka Bari, ayaa lagu sheegay inay saakay fashiliyeen isku day weerar argagixiso oo ay soo maleegeen Khawaarijta dhiigmiiratada ee Daacish, waxaana halkaasi Ciidanku ku dileen oo aysan cidi ka laaban dhammaan kooxdii weerarka soo qaaday oo u badan Ajaanib.
Ciidanka ka howlgala Puntland ayaa goobta ku soo bandhigay Ajaanibta weerarka lagu dilay, hubkoodii iyo jabka xooggaanna ee saaka lagaarsiiyey Argagixisada Daacish.
“Ciidanka Ciribtirka Argagixisada ee Puntland, ayaa Intaasi kadib hore ugu ruqaansaday qorshaha howlgal Ciribtirka Agragixisada ee halkaas ka socda” ayuu lagu yiri qoraalka ka soo baxay Ciidamada Hawlgalka Ciribtirka Khawaarijta ee Puntland.
